Bakı Biznes Universitetində bu ali məktəbin koordinatoru olduğu və Avropa Komissiyası tərəfindən maliyyələşdirilən “Azərbaycan universitetlərində keyfiyyət təminatı mərkəzlərinin yaradılması və inkişaf etdirilməsi” layihəsinin ikigünlük toplantısı işinə başlayıb.
Toplantının birinci günündə layihənin tərəfdaş universistetləri tərəfindən görülən işlər barədə təqdimatlar olub. Azərbaycan universitetlərində keyfiyyət idarəetmə sisteminin tətbiq edilməsində qarşıya çıxan çətinliklər və keyfiyyət təminatı mərkəzlərinin iş planlarının “Avropa ali təhsil məkanında keyfiyyət təminatı üzrə standartlar və qaydalar”a uyğunlaşdırılmasındakı əsas problemlər və görüləcək işlər haqqında müzakirələr aparılıb.
İclasda ATMU-nun layihə koordinatoru Flora Ələsgərova, rektor müşaviri Elvin Yusifli, tədris-metodiki şöbənin müdiri Simnar Mamedov və beynəlxalq söbənin mütəxəssisi Faina Qaçabəyova təmsil ediblər. F.Ələsgərova və S.Mamedov universitetdə görülən islər barədə təqdimatla çıxış ediblər.
Toplantıda Təhsil Nazirliyinin, Avropa Komissiyasının, Milli “Erasmus+” Ofisinin və layihənin tərəfdaşları olan Azərbaycan ali təhsil müəssisələrinin nümayəndələri iştirak ediblər.

ATMU-nun Mətbuat Xidməti