Magistrantlar kimya ixtisası üzrə dissertasiya işlərini uğurla müdafiə ediblər

Magistrantlar kimya ixtisası üzrə dissertasiya işlərini uğurla müdafiə ediblər AMEA-nın Kataliz və Qeyri–üzvi Kimya İnstitutunda kimya ixtisasına dair “Nanomateriallar kimyası”, “Kimyəvi kinetika və kataliz”, “Qeyri-üzvi kimya” və “Fiziki kimya” ixtisaslaşmaları üzrə magistrlik dissertasiyalarının müdafiəsi üçün ixtisaslaşdırılmış Müdafiə Şurasının iclası keçirilib.
İclasda Müdafiə Şurasının sədri, AMEA-nın müxbir üzvü Məhəmməd Babanlı müvafiq ixtisaslaşmalar üzrə 8 magistrin dissertasiya işini müdafiə edəcəyini diqqətə çatdırıb.
Sonra elmi-tədqiqat və elmi-pedaqoji təcrübələrini uğurla başa vurmuş II kurs magistrantları dissertasiya mövzuları üzrə əldə etdikləri elmi nəticələri şura üzvlərinin diqqətinə çatdırıblar və sualları cavablandırıblar. Onlara magistr dərəcəsinin verilməsi haqqında qərar qəbul edilib.
Kataliz və Qeyri–üzvi Kimya İnstitutunun magistrantları Gəray Əşirov, Nigar Kərimova, Neft-Kimya Prosesləri İnstitutunun magistrantı Rüfət Əsədzadə yüksək bal toplayaraq fərqlənmə diplomuna layiq görülüblər.

Tehsil-press.az

Oxşar xəbərlər