Bakı Dövlət Universitetində (BDU) 2019-2020-ci tədris ilinin yay məktəbi təşkil edilib.
İyulun 27-dən fəaliyyət göstərən yay məktəbində dərslər həftə içi hər gün saat 09:00-dan 19:00-dək “Microsoft Team” platforması üzərindən onlayn keçirilir. Onlayn dərslərdə 185 fənn üzrə 970-dən çox tələbə iştirak edir. Prosesə 150-dən çox müəllim cəlb olunub. Yay məktəbi avqustun 28-dək davam edəcək. Tələbələr nəzəri kurs biliklərini öyrəndikdən sonra imtahan verəcəklər.
“Ali təhsil müəssisələrinin bakalavriat və magistratura səviyyələrində kredit sistemi ilə tədrisin təşkili Qaydaları” haqqında qərara əsasən keçirilən yay məktəbinə tələbələrin qeydiyyatı onlayn aparılıb.

Tehsil-press.az