Türkiyənin Mədəniyyət və Turizm Nazirliyinin tərkibində olan İqtisadi İnkişaf və Sosial Araşdırmalar İnstitutu (İKSAD) göstərdikləri səmərəli fəaliyyətlərə görə Folklor İnstitutunun direktoru, akademik Muxtar İmanov və professor Ramazan Qafarlını 2021-ci ilin elm mükafatına layiq görüb.
Mükafatları yanvarın 14-də İKSAD-ın Azərbaycan üzrə baş təmsilçisi, Azərbaycan Dövlət Pedaqoji Universitetinin əməkdaşı Əlvan Cəfərov təqdim edib. Təqdimat zamanı İKSAD-ın sədri Mustafa Latif Emek canlı bağlantı ilə mükafatçıları təbrik edib.
İKSAD bir çox ölkələrdə böyük sosial və iqtisadi layihələr həyata keçirir. Qurum 2020-ci ildə Azərbaycanda 10-dan çox beynəlxalq konfrans təşkil edib. Dədə Qorquda, Bəxtiyar Vahabzadəyə, Novruz bayramına həsr olunmuş konfransların təşkilində Folklor İnstitutu da fəal iştirak edib.
Folklor İnstitutu və İKSAD-ın birgə əməkdaşlığı davam edir. 2021-ci ilin iyul, avqust və sentyabr aylarında birgə konfransların təşkili planlaşdırılıb.

Tehsil-press.az