Azərbaycan Respublikası Elm və Təhsil Nazirliyinin Polimer Materialları İnstitutunun əməkdaşları  Polimerlərin mexaniki-kimyəvi modifikasiyası və emalı laboratoriyasının müdiri kimya elmləri doktoru, professor Nəcəf Qəhrəmanov, aparıcı elmi işçisi kimya üzrə fəlsəfə doktoru, dosent Fatimə Mustafayeva və Polimer materiallarının fiziki-mexaniki tədqiqatları şöbəsinin müdiri kimya üzrə fəlsəfə doktoru, dosent İsmayıl İsmayılovun həmmüəllifi olduqları məqalə “Polymer Science, Series A” jurnalında (2025, Vol. 67, No. 4, https://doi.org/10.1134/S0965545X24601163 ) dərc olunub.

“Influence of Different Type of Compatibilizers on Structural Features and Physical-Mechanical Properties of Nanocomposites Based on Polypropylene Random Copolymer” (Polipropilen random birgə polimeri əsasında nanokompozitlərin quruluş xüsusiyyətlərinə və fiziki-mexaniki xassələrinə müxtəlif növ kompatibilizatorun təsiri) adlı məqalədə müəlliflər tərəfindən kommersiya kompatibilizatorlarının növünün və miqdarının polipropilen random birgə polimeri/alüminium hidroksid (PP-R/Al(OH)3) sistemlərinin uyğunluq dərəcəsinə təsiri nəticələri təqdim olunub. Kompatibilizator növünün və alüminium hidroksid miqdarının PP-R/Al(OH)3 kompozitinin xassələrinə təsiri araşdırılıb.

Qeyd edək ki, WoS Science Citation Index Expanded (SCIE), SCOPUS, Chemical Abstracts Service (CAS), Japanese Science and Technology Agency (JST) indeksli bazalara daxil olan jurnal 1.1 impakt faktora malikdir və “Clarivate Analytics”in Q3 kateqoriyasındadır.

Tehsil-press.az