Şərqşünaslıq İnstitutu Çinin Qansu vilayətinin İctimai Elmlər Akademiyası ilə əməkdaşlıq edəcək

Şərqşünaslıq İnstitutu Çinin Qansu vilayətinin İctimai Elmlər Akademiyası ilə əməkdaşlıq edəcək Azərbaycan Milli Elmlər Akademiyasının (AMEA) akademik Z.Bünyadov adına Şərqşünaslıq İnstitutu ilə Çinin Qansu vilayətinin İctimai Elmlər Akademiyası arasında əməkdaşlığa dair müqavilə imzalanıb. Müqaviləni Şərqşünaslıq İnstitutunun direktoru, AMEA-nın müxbir üzvü, Milli Məclisin deputatı Gövhər Baxşəliyeva və Qansu vilayətinin İctimai Elmlər Akademiyasının prezidenti Vanq Fuşenq imzalayıblar.
G.Baxşəliyeva Azərbaycan–Çin əlaqələrinin möhkəmləndirilməsindən danışıb, ölkələrimiz arasında elmi sahədə də əməkdaşlığın genişləndirildiyini qeyd edib. G.Baxşəliyeva institutda çinşünaslıq sahəsində görülən işlər barədə də məlumat verib.
Qansu vilayətinin İctimai Elmlər Akademiyasının prezidenti Vanq Fuşenq əməkdaşlığın onların bu sahədə fəaliyyətinə böyük fayda verəcəyinə əminliyini bildirib.
Şanxay Universitetinin rəsmi nümayəndəsi Li Renyinq, AMEA-nın müxbir üzvü Şahin Mustafayev, Şərqşünaslıq İnstitutunun Asiya Sakit Okean regionu ölkələri şöbəsinin müdiri Zenfira Şıxəlibəyli elmi müəssisələr arasında başlanacaq əməkdaşlığın əhəmiyyətini qeyd ediblər.

Himət Əliyev


Şərqşünaslıq İnstitutu Çinin Qansu vilayətinin İctimai Elmlər Akademiyası ilə əməkdaşlıq edəcək

Oxşar xəbərlər