Xəbər verdiyimiz kimi, yeni yaradılan Azərbaycan İlahiyyat İnstitutuna bu gün prezident İlham Əliyev tərəfindən rektor təyin edilib. Bu vəzifə Məmmədov Ceyhun Valeh oğluna həvalə edilib.
1975-ci il təvəllüdlü Ceyhun Məmmədov 3 universiteti bitirib.
O, 1991-1994-cü illərdə Suriyanın Dəvət və İrşad institutunda, 1994-1998-ci illərdə Liviya Ərəb Sosialist Xalq Cəmahiriyyəsi Universitetində ərəb dili və dinşünaslıq üzrə bakalavr dərəcəsini bitirib. 2000-2002-ci illərdə isə Azərbaycanda Xəzər Universitetinin magistraturasında təhsil alıb.
C.Məmmədov ilahiyyat üzrə fəlsəfə doktorudur və Azərbaycan Dillər Universitetində dərs deyir. 1 kitab, 20 elmi məqalənin müəllifidir.
2001-2014-cü illərdə Dini Qurumlarla İş üzrə Dövlət Komitəsində müxtəlif şöbələrdə çalışıb. 2015-ci ildən bu günə kimi isə Prezident Administrasiyasının Millətlərarası münasibətlər, multikulturalizm və dini məsələlər şöbəsində böyük məsləhətçi vəzifəsini tutub.



Tehsil-press.az