Azərbaycan Dövlət Neft və Sənaye Universitetinin (ADNSU) rektoru, professor Mustafa Babanlı İndoneziyanın Surabaya Universitetində keçirilən Universitet Prezidentlərinin Beynəlxalq Assosiasiyasının konfransında iştirak edir.
“Rəqəmsal dövrdə ali təhsil müəssisələrində davamlılığın inkişafı” mövzusunda təşkil olunan beynəlxalq tədbirdə müxtəlif mövzularda məruzələr dinlənilib, müzakirələr aparılıb.
ADNSU-nun rektoru ayrı-ayrı ali məktəblərin rəhbərləri ilə görüşüb və əməkdaşlığa dair fikir mübadiləsi aparıb.
Qeyd edək ki, professor M.Babanlı Universitet Prezidentlərinin Beynəlxalq Assosiasiyasının İcraedici Komitəsinin üzvü və regional təmsilçisidir.

Kəmalə Rəhimli