Qusarda illərdir quldurluq edən dəstə polis tərəfindən saxlanılıb. Qusar rayon polis şöbəsində qeydə alınan 17 mənzil oğurluğu və bir quldurluq hadisəsi bu günlərdə aparılan əməliyyat – axtarış tədbirləri nəticəsində ələ keçən 10 nəfər rayon sakini tərəfindən törədildiyi müəyyənləşib.
Cinayətkar dəstənin 2015-ci ildən hazırki dövrə qədər Qusar rayonunda ayrı-ayrı mənzillərdən pul, zinət və məişət əşyaları oğurladığı aşkarlanıb. Üç il ərzində törədilən hadisələr nəticəsində vətəndaşlara ümumi məbləği 100 min manat dəyərində olan ziyan dəyib. Qrupun 3 üzvü isə quldurluq hadisəsi törətməkdə təqsirli bilinir.
İlkin araşdırmalara görə cinayətkar dəstə 2015-ci ildə 5, 2016-ci ildə 6, 2017-ci ildə 3, 2018-ci ildə isə 4 cinayət hadisəsi törətməkdə təqsirli bilinir. Dəstə üzvlərindən bir nəfəri Şıxzada Şıxıyev 2017-ci ildə dünyasını dəyişib.Hazırda Qusar rayon PŞ tərəfindən saxlanılan 10 nəfərdən 7-si barəsində həbs qətimkan tədbiri seçilib,3 nəfər isə nəzarətə götürülüb. Dəstə üzvlərinin digər cinayət hadisələrində də iştirak etməsi araşdırılır.
***
Saxlanılan dəstə üzvlərinin kimliyi müəyyənləşib. Onların hər biri Qusar rayon sakinidir:
1. 1974-cü il təvəllüdlü Səlimov Ömər Əli oğlu
2. 1987-ci il təvəllüdlü Balabəyov Alim Balmət oğlu (keçmiş məhkum)
3. 1992-ci təvəllüdlü Əlirzayev Marat Həmid oğlu (keçmiş məhkum)
4. 1994-cü il təvəllüdlü Seyidov Seymur Pirmurad oğlu
5. 1991-ci il təvəllüdlü Yarəliyev Fərrux Gülbalayeviç (keçmiş məhkum)
6. 1985-ci il təvəllüdlü Tahirov Rəşad Adil oğlu
7. 1991-ci il təvəllüdlü Nurullayev Bəhruz Radikoviç (keçmiş məhkum)
8. 1994-cü il təvəllüdlü Salmanov Vüqar Bəxtiyar oğlu (keçmiş məhkum)
9. 1985-ci il təvəllüdlü Mehrəliyev Rafiq Abuzər oğlu (keçmiş məhkum)
10.1991-ci il təvəllüdlü Ağaxanov Nadim Mirzəmətoviç (keçmiş məhkum)

Tehsil-press.az