Tədris ilinin ilk səyyar qəbulu

Tədris ilinin ilk səyyar qəbulu Bakı Şəhəri üzrə Təhsil İdarəsi (BŞTİ) yeni tədris ilindən başlayaraq paytaxtın rayonları üzrə ayrı-ayrı məktəblərdə müəllim və valideynlərin səyyar qəbuluna start verir.
BŞTİ-dən Tehsil-press.az-a bildirilib ki, ilk səyyar qəbul oktyabrın 4-də Pirallahı və Xəzər rayonları üzrə keçiriləcək. Bakıdakı 168 nömrəli tam orta məktəbdə (Pirallahı qəsəbəsi, Əzizbəyov küçəsi 38) təşkil olunacaq səyyar qəbul saat 10:00-da başlanacaq. BŞTİ-nin rəhbərliyi və struktur bölmə əməkdaşlarının iştirakı ilə keçiriləcək səyyar qəbulda müəllim və valideynləri narahat edən məsələlər öyrəniləcək, problemli məsələlər araşdırılaraq həll ediləcək, müvafiq təşkilati və maarifləndirmə tədbirləri görüləcək.
Səyyar qəbul vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, vətəndaşları maraqlandıran məsələlərə yerində aydınlıq gətirilməsi, təhsilin keyfiyyətinin yüksəldilməsi, məktəblərdə sağlam və yaradıcı mühitin təmin olunması üçün sistemli iş aparılması məqsədlərinə xidmət edir.

BŞTİ-nin Mətbuat Xidməti

Oxşar xəbərlər