Azərbaycan Dövlət İqtisad Universitetinin (UNEC) Rus İqtisad Məktəbinin direktoru, dosent Mənsur Bərxudarov Rusiyanın Belqorod Dövlət Elmi-Tədqiqat Universitetində (BDETU) olub.
Rusiyaya səfəri çərçivəsində M.Barxudarov UNEC Rus İqtisad Məktəbi ilə BDETU-nun İqtisadiyyat və İdarəetmə İnstitutu arasında 2019/2020-ci tədris ili üçün birgə fəaliyyət planının təsdiqi və icrasına dair müzakirələr aparıb. Həmçinin BDETU-nun beynəlxalq əməkdaşlıq üzrə prorektoru V.A.Kuçmistı ilə görüşərək, hər iki ali təhsil müəssisəsi arasında mümkün əməkdaşlıq imkanlarını müzakirə edib.

UNEC-in Mətbuat Xidməti