Azərbaycan Dillər Universiteti (ADU) müasir dillər üzrə dünyada ən yaxşı 301 - 340 universitetlər qrupuna daxil olub.
QS sahələr üzrə dünya universitetlərinin reytinqində (QS World University Rankings by Subject 2023) 161 ölkədən 1594 ali təhsil müəssisəsi iştirak edib. Dünya universitetlərinin reytinqi 5 kateqoriya üzrə qruplaşdırılmış 54 sahəni əhatə edir. Reytinqin qiymətləndirmə metodologiyasında 5 əsas indikator nəzərə alınır: akademik nüfuz, işəgötürənlər arasında nüfuz, istinadlar, H-indeks və beynəlxalq elmi əməkdaşlıq.
Qeyd edək ki, Azərbaycandan ilk dəfə iki ali təhsil müəssisəsi QS sahələr üzrə dünya universitetlərinin reytinqinə daxil olub.

Tehsil-press.az