Yüzlərlə iranlı tələbə İran-ABŞ nüvə danışıqları fonunda ölkənin nüvə proqramına dəstək nümayiş etdirmək üçün "Fordo" uranın zənginləşdirilməsi zavodunun ətrafında canlı sədd yaradıb.

Bu barədə “Mehr” məlumat yayıb.

Tələbələr ölkənin milli maraqlarının müzakirə oluna bilməyəcəyi barədə bəyanat oxuyublar.

Qeyd edək ki, Fordo Yanacaq Zənginləşdirmə Zavodu (FFEP) İranın Qum şəhərindən 32 km şimal-şərqdə, Fordo kəndi yaxınlığında yerləşən yeraltı uranın zənginləşdirilməsi zavodudur.

Xatırladaq ki, uranın zənginləşdirilməsi məsələsi ABŞ-İran danışıqlarının əsas predmetidir.

İki ölkə nümayəndələri arasında növbəti görüş bu gün Roma şəhərində keçiriləcək.

Tehsil-press.az