Yasamal rayon Gənclər və İdman İdarəsinin təşkilatçılığı ilə Yasamal rayon Heydər Əliyev Mərkəzində 2 fevral Gənclər günü münasibətilə tədbir keçirilib. Tədbiri giriş sözü ilə açan Yasamal rayon Gənclər və İdman İdarəsinin rəisi İlham Səfərov 2 fevral Gənclər Gününün MDB məkanında və Şərqi Avropa ölkələri arasında ilk dəfə Azərbaycanda qeyd olunduğunu və bu günün 1997-ci ildə ulu öndər Heydər Əliyevin sərəncamı ilə təsdiq olunduğunu vurğulayıb.
Azərbaycan Dövlət Mədəniyyət və İncəsənət Universitetinin Kino və televiziya, Kulturologiya və Rəssamlıq fakültəsində təhsil alan tələbələri Gənclər günü münasibətilə dövlət gənclər siyasətinin həyata keçirilməsində göstərdikləri səmərəli fəaliyyətlərinə görə Əsədullayeva Leyla, Əsədova Ruhəngiz, Kərimli Sənan, Məlikova Təzəxanım və Hacıyev Hüseyn fəxri fərman və hədiyyələr ilə təltif olunub.

ADMİU-nun Mətbuat Xidməti