Azərbaycan Dövlət Neft və Sənaye Universitetində (ADNSU) I kurs tələbələrinin tibbi müayinəsi keçirilir.
Noyabrın 1-dən başlanan müayinələr poliklinika şöbəsində təşkil olunub.
Müayinə Səhiyyə Nazirliyinin müvafiq əmrinə əsasən ali məktəblərin tələbələri arasında xəstəliklərin (vərəm, malyariya və s.) vaxtında aşkarlanması və profilaktikası məqsədilə aparılır.
Qeyd edək ki, 2019-cu ilin yanvar ayından etibarən universitetin yuxarı kurs tələbələri və magistrantlarının da tibbi müayinədən keçməsi nəzərdə tutulur.

ADNSU-nun Mətbuat Xidməti