COVID-19 epidemiyasının yayılması səbəbindən Fransada buraxılış imtahanları tamamilə yeni formatda təşkil olunacaq.
Bu fikri Baş Nazir Eduard Filip Milli Assambleyada dinləmələrdə, eləcə də TF1 televiziya kanalında sualları cavablandırarkən söyləyib. O bildirib ki, mövcud vəziyyətdə şagirdlər buraxılış imtahanını normal şəraitdə verə bilməzlər. Adətən iyunda olan imtahan bu dəfə vəziyyətdən asılı olaraq nə iyun, nə də iyul ayında təşkil oluna bilməz.
Baş nazir qeyd edib ki, hökumət 2020-ci il buraxılış imtahanları üçün bir neçə formatı nəzərdən keçirir, ancaq ölkənin təcrid rejimindən çıxma şəraitinə uyğun olaraq imtahanlarla bağlı yekun qərar qəbul ediləcək.

Tehsil-press.az