İspaniyada deputatlar konqresi (parlamentin aşağı palatası) yeni növ koronavirusun yayılması ilə əlaqədar hökumətin yüksək hazırlıq rejimini iyunun 7-dək uzatmaq barədə sorğusunu təsdiqlədi.
Mart ayının ortalarında nazirlər şurası sakinlərin ölkədə yerdəyişmələrin məhdudlaşdıran bu rejimin 15 gün uzadılması barədə qərar qəbul edib. Lakin rejimin uzadılması üçün konqresin təsdiqi lazım olub. Bu parlamentin rejimin uzadılmaslı barədə təsdiq etdiyi 5-ci qərardır.
Bildirilir ki nazirlər kabineti daha əvvəl rejimin 15 gün əvəzinə bir ay uzadılmasını istəyiblər.
İspaniya koronavirusdan dünyada ən çox zərər çəkən ölkələrdən biridir. Ölkədə infeksiyanın yayılmasından indiyədək 232,5 mindən çox virusa yoluxma hadisəsi müəyyən edilib, 27 888 xəstə ölüb. Hazırda İspaniyada koronavirusun yayılması azalmaqdadır və hökumət tədricən məhdudiyyətləri qaldırır.

Tehsil-press.az