Sofiyada Bolqarıstan Elmlər Akademiyasının Fəlsəfə və Sosiologiya İnstitutu tərəfindən təşkil olunmuş “Qaçqınlar - qorxular, anlaşma, empatiya” adlı beynəlxalq konfransda Azərbaycan alimləri də iştirak ediblər.
Konfransda AMEA Fəlsəfə və Sosiologiya İnstitutunun direktoru, professor İlham Məmmədzadə “Qaçqınlar (miqrantlar) məsələsi mədəniyyət və sivilizasiyanın qarşılıqlı münasibəti kontekstində” mövzusunda məruzə ilə çıxış edib. O, qaçqınlar və miqrantların problemindən danışıb və bunun həllini tələb edən ən vacib problemlərdən biri olduğunu bildirib. Həmçinin mədəniyyət və sivilizasiyanın arasındakı münasibətdə mövcud ziddiyyətlərin olduğunu qeyd edib.
AMEA Fəlsəfə və Sosiologiya İnstitutunun Beynəlxalq əlaqələr şöbəsinin müdiri Zöhrə Əliyeva isə “Müasir dünyada qaçqınların problemlərinin həlli” mövzusunda çıxış edib.

Tehsil-press.az