Azərbaycan Dillər Universitetinin (ADU) Fəlsəfə və ictimai elmlər kafedrasının dosenti Şəfəq Abdullayevanın “Amerika Birləşmiş Ştatlarının iqtisadiyyatı” adlı dərs vəsaiti çap olunub.
Kitabda ABŞ-ın coğrafi mövqeyi, qısa tarixi, iqtisadiyyatının ümumi xarakteristikası və infrastrukturu, nəqliyyat və turizm sektoru, maliyyə-kredit sistemi, sosial-iqtisadi problemləri, dünya iqtisadiyyatında yeri, həmçinin Azərbaycan Respublikası ilə iqtisadi əlaqələri araşdırılıb.
Dərs vəsaitindən ali məktəb tələbələri, elmi-tədqiqat işçiləri, həmçinin müəllimlər bəhrələnə bilər.
Qeyd edək ki, Şəfəq Abdullayeva bir dərslik, üç dərs vəsaiti, səkkiz proqram, 50-dən çox məqalə və tezislərin müəllifidir. Onun elmi əsərləri Kanada, Türkiyə, Rusiya, Polşa, Serbiya, Qazaxıstan və s. ölkələrdə nəşr edilib.

Tehsil-press.az