Ümummilli Lider Heydər Əliyevin anadan olmasının 100 illiyinə həsr olunmuş “Enerji keçidində: Postneft iqtisadiyyatı, alternativ enerji, ətraf mühitin mühafizəsi” mövzusunda yay məktəbində ilk mühazirə Azərbaycan Dövlət Neft və Sənaye Universitetində (ADNSU) dinlənilib.
ADNSU və Alman Akademik Mübadilə Xidməti (DAAD) tərəfindən təşkil olunan 5-ci beynəlxalq yay məktəbinə Azərbaycandan və Almaniyadan tələbələr qatılıb. Yay məktəbində akademik hissədən başqa, iştirakçılar üçün mədəni tədbirlər də təşkil olunacaq. İştirakçılar Bibiheybətdə - dünyada sənaye üsulu ilə qazılan ilk neft quyusunun yerləşdiyi məkanda, BP-nin və SOCAR-ın baş ofislərində, Heydər Əliyev Mərkəzində, Şəki şəhərində, Azərbaycanın mədəniyyət mərkəzi Şuşa şəhərində ekskursiyada olacaqlar.

Tehsil-press.az