Bakı Dövlət Universiteti (BDU) “QS Quacquarelli Symonds” beynəlxalq reytinq agentliyi tərəfindən aparılan “QS World University Rankings 2024” qiymətləndirməsində bir sıra indikatorlar üzrə əvvəlki ilə nisbətən irəliləyiş əldə edib.
Son bir il ərzində akademik reputasiya (academic reputation) indikatoru üzrə 30 faiz (7.4-dən 9.6-ya), işəgötürən reputasiyası (employer reputation) indikatoru üzrə 68 faiz (1.9-dan 3.2-yə), fakültə-tələbə nisbəti (faculty student ratio) indikatoru üzrə 15 faiz (29.5-dən 33.9-a), fakültə üzrə elmi məqalələrə istinad (citation per faculty) indikatoru üzrə isə təxmini 8 faiz (1.3-dən 1.4-yə) artım əldə olunub.
QS qiymətləndirmə metodologiyasına (2023) əsasən qeyd olunan indikatorlar ümumi qiymətləndirmənin 75 faizini (akademik reputasiya 30 faiz, işəgötürən reputasiyası 15 faiz, fakültə-tələbə nisbəti 10 faiz, fakültə üzrə istinad isə 20 faiz) əhatə edir.

Tehsil-press.az