
Qubadlı Rayon Fəxrəddin Hüseynov adına Mahmudlu kənd Musiqi məktəbində bəstəkar Emin Sabitoğlunun anadan olmasının 80 illik yubileyi münasibəti ilə tədbir keçirilib. Konsertdə Qubadlı Rayon Gənclər və İdman idarəsinin rəisi Namiq Abbasov, SRMTİ-nin nümayəndəsi Eldar Hüseynov, SRMTİ Qubadlı Rayon nümayəndəliyinin baş məsləhətçisi İlham Əhmədov, müəllim və şagird kollektivi iştirak ediblər. Əvvəlcə bəstəkarın həyat və yaradıcılığını əks etdirən video-çarx nümayiş olunub. Daha sonra məktəbin müəllim və şagird kollektivi Emin Sabitoğlunun bəstələrini səsləndiriblər. SRMTİ-nin nümayəndəsi Eldar Hüseynov və SRMTİ Qubadlı Rayon nümayəndəliyinin baş məsləhətçisi İlham Əhmədov çıxış edərək tədbir haqqında öz fikirlərini bildirib, tədbirin ərsəyə gəlməsində əməyi olan hər kəsə uğurlar arzulayıblar.
Sumqayıt Regional Mədəniyyət və Turizm idarəsinin
Mətbuat xidməti
Mətbuat xidməti



