Bakı Dövlət Universitetinin Karyera, praktika və məzunlarla əlaqə mərkəzinin təşkilatçılığı ilə Mingəçevir “İstək” liseyinin XI sinif şagirdləri universitetdə olub. Şagirdlərə universitetin tarixi və müasir dövrü, tədrisin təşkili, beynəlxalq təcrübənin tətbiqi, tələbə mübadilə proqramları barədə məlumat verilib, onları maraqlandıran suallar cavablandırılıb.
Sonra liseyin şagirdləri universitetin maddi-texniki bazasına baş çəkib, laboratoriya, muzey və mərkəzlərdə keçirilən praktiki dərslərdə iştirak edib, idman, yaradıcılıq klubları ilə tanış olublar.

Mətbuat və informasiya şöbəsi