Rəşid Behbudov adına Azərbaycan Dövlət Mahnı Teatrında baş tutan tədbirdə “Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyinin sədri, Şuşa Rayon İcra Hakimiyyətinin başçısı Bayram Səfərov, Azərbaycan Respublikası Mədəniyyət Nazirliyinin Elm, Təhsil və Gənclərlə İş Şöbəsinin müdiri Yaşar Əliyev, Şuşa rayon İcra Hakimiyyəti başçısının müavini Vüsalə Fətəliyeva və Sumqayıt Regional Mədənəyyət İdarəsinin Şuşa rayon üzrə baş məsləhətçisi Zahid Abbasov çıxış edərək məktəb kollektivini təbrik ediblər.Sonra məktəb xorunun ifasında Aygün Səmədzadənin “Azərbaycan” və “Laçın” xalq mahnıları, şagirdlərin və nağaraçalanlar qrupunun ifasında İzzət Əliyevanın “Prelüdiya”, Dmitri Kabalevskinin “Bizim ölkə”, Əlibaba Məmmədovun “Vətən yaxşıdır”, Süleyman Ələsgərovun “Rəqs-tokkato”, “Bilsəm sən gəlirsən”, “Nazilə” rəqsi, “Azərbaycan ritmləri”, J.Bizenin “Karmen” operasından süita, Üzeyir Hacıbəylinin “Arşın mal alan” operettasından Əsgərin mahnısı, “Cəngi”, “Leyli və Məcnun” operasından rəqs, M.Qlinka “Polka”, Y.Vesnyakın “Zəriflik” əsərləri səslənib.
Məktəbin müəllimlərinin ifasında səslənən Ü.Hacıbəyovun “Çırpınırdı Qara dəniz”, İ.Məhərrəmovun Şuşa yaylağı“, A.Məlikovun “Gəl bizim dağlara” mahnıları, Beynəlxalq və Respublika müsabiqələrinin laureatı, məktəbin “Təbəssüm” rəqs qrupunun ifasında “İncəlik” və “Xəzərim” rəqsləri, vətənpərvər ruhda səslənən şeirlər, Azərbaycan Xalq Cümhuriyyətinə həsr olunmuş videoçarx və “Azərbaycan diyarı” adlı kompozisiya alqışlarla qarşılanıb.
Məktəbin direktoru M.Ağamirov çıxış edərək müəllim və şagirdləri təbrik edib, 2017-2018-ci tədris ili üzrə “İlin Ən yaxşı” müəllimi adına layıq görülən Aygün Əsədova və Tinaytin Nağıyevanı, tədbirin ərsəyə gəlməsində əməyi keçən müəllimləri məktəbin Fəxri Diplomu, şagirdləri və “Təbəssüm” rəqs qrupunu Fəxri Fərmanla təltif edib.
Qeyd edək ki, Bülbülcan adına Şuşa şəhər UMM-də Ümummilli Liderimiz Heydər Əliyevin 95,Azərbaycan Xalq Cümhuriyyətinin 100 illiyinə həsr olunmuş tədbir keçirilib. Tədbirdə fortepiano şöbəsinin müəllimi Vəfa Hüseynovanın şagirdlərinin ifası dinlənilib. Tədbirdə məktəbin direktoru Raqif Məhərrəmov şagirdləri diplomlarla təltif edib.
Sumqayıt Regional Mədəniyyət idarəsinin
Mətbuat xidməti
