Sumqayıt Regional Mədəniyyət idarəsinin Sumqayıt şəhər 4 saylı “Diyarşünaslıq” klıubunda “Dostluğun sehri” adlı tədbir keçirilib.
Tədbirin keçirilməsində əsas məqsəd uşaqlarda yaradıcı təfəkkürün və dünyagörüşün formalaşdırılması, onların asudə vaxtlarının səmərəli, əyləncəli, mənalı və maraqlı təşkilidir.
Diyarşünaslıq klubun özfəaliyyət kollektivinin üzvləri: Nicat Abdullayev və Həcər Səfərlinin aparıcılığı ilə keçən tədbir uşaqlarda xoş ovqat yaradıb.
Tədbirdə klubun “Buratino” rəqs qrupunun çıxışı, klounun hədiyyəli oyunları uşaqlar tərəfindən sevinclə qarşılanıb.
Tədbirdə uşaqlar şeir söyləyib, müxtəlif əyləncəli oyunlar oynayıb, şəkil çəkib, mahnı oxuyub, rəqs ediblər.
Qeyd edək ki, yanvar ayını 31-də 4 saylı Diyarşünaslıq klubu Kukla teatrının “Dovşanın evi” tamaşası ilə uşaqların görüşünə gələcək.

Sumqayıt Regional Mədəniyyət idarəsinin
Mətbuat xidməti