
Sumqayıt şəhər S.Vurğun adına Mərkəzi Kitabxananın uşaq şöbəsi şəhərin 43 saylı uşaq baxçası ilə birlikdə Sülh günü ilə əlaqədar tədbir keçirib. Tədbirdə uşaqlara Sülh günü haqqında geniş məlumat verilib. Daha sonra uşaqlar fonda yeni daxil olmuş nağıl və jurnallardan ibarət “Nağıllar aləmində” adlı sərgi ilə yaxından tanış olub, açıq səma altında asfalt üzərində Sülh gününü ehtiva edən şəkillər çəkib, əmin-amanlıq, sülh arzusu ilə göyərçinləri açıq səmaya buraxıblar.
Uşaq şöbəsində daha bir tədbir Nizami poeziya günləri ilə əlaqədar keçirilib. “Nizami Gəncəvini necə tanıyırıq” adlı tədbirdə uşaq şöbəsinin müdiri Yeganə Hüseynova oxuculara dahi Azərbaycan şairi və mütəfəkkiri Nizami Gəncəvinin həyat və yaradıcılığı haqqında geniş məlumat verib. Daha sonra uşaqlar kitabxanaçılar tərəfindən tərtib olunuş və Nizami Gəncəvinin həyatı və yaradıcılığını əks etdirən sualları cavablandırıblar. Uşaq şöbəsi tərəfindən 15 saylı məktəbdə keçirilən tədbirdə şagirdlər şairin qəzəllərindən və şeirlərindən parçalar söyləyib, şairin əsərlərindən ibarət sərgi ilə tanış olublar.
Sumqayıt Regional Mədəniyyət İdarəsinin
Mətbuat xidməti
Mətbuat xidməti




