Mingəçevir Dövlət Universitetində (MDU) 2022-ci ilin mayın 4-5-də ümummilli lider Heydər Əliyevin anadan olmasının 99-cu ildönümünə həsr olunmuş “Heydər Əliyev dühası və müasir Azərbaycan” mövzusunda elmi-nəzəri konfransın materialları kitab şəklində nəşr olunub.
Kitabda respublikamızın 22 ali təhsil müəssisəsi və elmi-tədqiqat institutundan ümumilikdə 116 məqalə və tezis dərc olunub.
Eyni zamanda, kitabda MDU-nun rektoru Şahin Bayramov, Mingəçevir Şəhər İcra Hakimiyyətinin başçısı İlham İsmayılov, Yeni Azərbaycan Partiyası (YAP) Veteranlar Şurasının üzvü Adilə Abasova, Milli Məclisin deputatı, Elm və təhsil komitəsinin üzvü Ceyhun Məmmədov, Milli Məclisin deputatı, YAP İdarə Heyətinin üzvü Elşad Mirbəşir oğlu və YAP Mingəçevir şəhər təşkilatının sədri Cavanşir Yusibovun konfransın açılışındakı çıxışlarının mətni öz əksini tapıb.

Tehsil-press.az