ABŞ İranın İraqa raket zərbələri endirməsini qınayıb.
Bu barədə ABŞ Dövlət Departamentinin yaydığı məlumatda qeyd olunub.
“ABŞ İranın Ərbil şəhərinə etdiyi hücumları qətiyyətlə qınayır və həlak olanların ailələrinə başsağlığı verir. İranın İraqda sabitliyi pozan raket hücumlarına qarşıyıq”, - deyə açıqlamada bildirilib.
Xatırladaq ki, İranın İslam İnqilabı Keşikçiləri Korpusunun (SEPAH) Ərbil şəhərinə endirdiyi zərbələr zamanı 4 nəfər ölüb, daha 6 nəfər yaralanıb. ABŞ mediasının məlumatına görə, hadisə zamanı ölkə vətəndaşları xəsarət almayıb. SEPAH isə açıqlamasında hücum zamanı anti-İran terror qruplaşmalarının bazalarının məhv edildiyini qeyd edib.

Tehsil-press.az