Kürdəmirdə 4 nəfərin xəsarət alması ilə nəticələnən yol qəzası baş verib.

Tehsil-press.az El TV-yə istinadən xəbər verir ki, hadisə Bakı-Qazax magistral yolunun 197-ci kilometrliyində, Kürdəmir rayonunun Şilyan kəndi ərazisində qeydə alınıb. Hakim Həsən oğlu Məsimovun idarə etdiyi "Nissan" markalı minik maşını yolun kənarında dayanan Kürdəmir rayonu Qaraqocalı kənd sakini Aqil Cabir oğlu İsayevə məxsus KamAZ-a çırpılıb. Nəticədə, hər iki maşının sürücüsü və minik maşınında olan sərnişinlər - Şəmkir rayon sakinləri Tural Zöhrab oğlu Abbasov və hələlik soyadı məlum olmayan Sadiq adlı şəxs Kürdəmir Mərkəzi Rayon Xəstəxanasına yerləşdiriliblər.
Faktla bağlı araşdırma aparılır.

tehsil-press.az