Dekabrın 20-də Azərbaycan Dövlət Neft və Sənaye Universitetində (ADNSU) tanınmış alim, ABŞ-ın Virciniya Dövlət Universitetinin keçmiş rektoru Keit Miller tərəfindən “Uğurlu sahibkarlıq fəaliyyəti” mövzusunda təqdimat keçirilib.
Şirkət rəhbərlərinin və gənc sahibkarların iştirak etdikləri tədbirdə biznesin düzgün qurulması, idarə olunması və startap ideyalarının biznes inkubatorlarına çevrilməsindən, eləcə də uğurlu biznes fəaliyyətinin əsas xüsusiyyətləri və tanınmış şirkətlərin biznes strategiyasından danışılıb.
ADNSU-da startap layihələrinin perspektivlərinə toxunan K.Miller gənc biznesmenlərə və öz biznesini qurmaq istəyən startapçılara tövsiyələrini verib.A
Sonra amerikalı alim tələbələr üçün uğurlu karyera və biznes imkanları haqqında geniş təqdimatla çıxış edib, onların suallarını cavablandırıb.

Hüseyin Şərifov