Bir qrup könüllü gəncin təşəbbüsü ilə həyata keçirilən “Kitab gəzər” layihəsi çərçivəsində Bərdə, Ağdam, Tərtər rayonlarından olan 15 şagird tanışlıq məqsədilə Xəzər Universitetində olub.
Tədbirdə bu ali təhsil müəssisəsi barədə videoçarx nümayiş etdirilib. Tələbələrin universitetə cəlb olunması üzrə işçi qrupunun rəhbəri, professor Fuad Rəsulov ali təhsil ocağındakı təhsil modelini açıqlayıb, universitet barədə ətraflı məlumat verib. Həmçinin burada tələbələrə yaradılan imkanlarla bağlı fikirlərini bölüşüb.
Görüşdə şagirdlərin ixtisas seçimi ilə əlaqədar çoxsaylı suallar cavablandırılıb. Universitetin kitabxanası ilə tanış olan şagirdlərə hədiyyələr təqdim edilib.

Tehsil-press.az