Vermont ştatından senator Berni Sanders ABŞ-ın Nyu-Hempşir ştatında keçirilən demokratların seçkilərində liderdir.
Bu barədə NBC telekanalı 86 faiz seçici bülletenlərini yoxladıqdan sonra bildirib.
NBC hazırda 26.1 faiz səs toplayan Sandersin liderliyi əlindən buraxmayacağinı hesab edir. Onun birinci rəqibi isə Saut-Bend (İndiana ştatı) şəhərinin eks-meri Pit Buttecacdır (24.3 faiz).
Seçicilərin 19,9 faizinin dəstəyi ilə üçüncü yeri Minnesotadan olan senator Emi Klobuşar, dördüncü yeri (9,4%) Massaçusets senatoru Elizabet Uoren tutur. Bir neçə ay seçki yarışının lideri sayılan ABŞ-ın keçmiş vitse-prezidenti Co Bayden, 8,4% səslə beşinci yerdədir
Nyu-Hempşir praymerizi (ilkin seçkilər), ABŞ-ın hazırkı seçki dövrünün birinci mərhələsidir ki, burada Respublikaçı və Demokratlar Partiyalarının qarşıdakı milli qurultaylarında partiyadan prezidentliyə namizəd üçün bu və ya digər namizədi dəstəkləyəcək nümayəndələr seçilir.
Xatırladaq ki, ABŞ-da noyabrın 3-də prezident seçkiləri keçiriləcək.

Tehsil-press.az