Qarabağdakı qanunsuz separatçı rejimin ləğvi Ermənistanın baş naziri Nikol Paşinyanın qələbəsi idi. Amerikanın Newsweek jurnalı yazır ki, separatçılar üç onillik ərzində regional inteqrasiyaya maneə olub.
Rusiya ilə Ermənistanın uzunmüddətli müttəfiqliyinə baxmayaraq, Moskva eyni vaxtda Qarabağdan Bakı və İrəvana qarşı təzyiq vasitəsi kimi istifadə edirdi. İrəvan və ya Bakı Rusiya siyasətindən çox uzaqlaşdıqda, Moskva regiona hərbi dəstəyi artırmaq və ya azaltmaqla hədələyirdi.
Mövcud vəziyyəti dərk edən Paşinyan Azərbaycanın, o cümlədən Qarabağ bölgəsinin ərazi bütövlüyünü tanıdı. Ermənistanın baş naziri həmçinin Ermənistanın münaqişədən kənarda saxlanmasının kritik zərurətini vurğulayaraq bunun onun müstəqilliyini qorumaq üçün çox vacib olduğunu vurğulayıb.
Uzun sürən münaqişənin sonunda Ermənistanın bütün qonşuları ilə sülh münasibətləri quracağı gözlənilir. Belə bir sülh İrəvana Bakı və Ankara ilə əməkdaşlığı gücləndirməyə imkan verəcək ki, bu da Ermənistanın Qərbə inteqrasiyasına kömək edə bilər.

Tehsil-press.az