Qazaxıstanın qərbindəki Mangistau vilayətinin hüquq-mühafizə orqanlarının əməkdaşları bir milyard tenge (2,1 milyon dollar) məbləğində oğurluq faktının aşkarlandığı beş neft-qaz şirkətini yoxlayırlar.

Bu barədə vilayət prokurorluğunun Mətbuat Xidməti məlumat yayıb.

"Müəyyən edilib ki, "Neft Nəqliyyat Korporasiyası" MMC-nin ("Kazmunayqaz" SC-nin törəmə müəssisəsi - red.) vəzifəli şəxsləri tədarükçüdən dəyəri 1,5 milyard tengedən (3,2 milyon ABŞ dolları - red.) çox olan, ancaq texniki şərtlərə cavab verməyən avtobusları qəbul ediblər. Eyni zamanda, onların dəyəri 400 milyon tenge (857 min dollar - red.) şişirdilib. İşləməyən xüsusi texnikanın xidmətlərinə görə 110 milyon tenge (235 min dollar - red.) məbləğində vəsaitin köçürülməsi faktları üzə çıxıb", - deyə hesabatda bildirilir.

"West Oil Software" şirkətində (podratçı "Oil Transport Corporation") işsiz şəxslərə 400 milyon tengedən (857 min ABŞ dolları) artıq vəsaitin ödənilməsi və şirkət rəhbərliyinin yaxın qohumları da daxil olmaqla, əsassız maaş hesablanması faktları aşkarlanıb.

Faktla bağlı külli miqdarda özgənin əmlakını mənimsəmə və ya ələkeçirmə maddəsi ilə beş cinayət işi başlanıb. Aparılan ibtidai istintaq çərçivəsində bu qurumların dörd yüksəkvəzifəli əməkdaşı saxlanılıb.

Tehsil-press.az