Bakı-2017 IV İslam Həmrəyliyi Oyunlarında həndbol yarışlarına yekun vurulub.

Təhsil-press.az-ın məlumatına görə, qadın həndbolçuların final görüşündə Azərbaycan və Türkiyə komandaları qarşılaşıblar.
Bundan əvvəl qrupda türkiyəli rəqiblərini məğlub edən həndbolçularımız bu dəfə də üstün oyun nümayiş etdiriblər - 28:26.
Beləliklə, Azərbaycan yığması qızıl medala sahib çıxıb. Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.

Təhsil-press.az