Azərbaycan Milli Elmlər Akademiyasının (AMEA) prezidenti, akademik Akif Əlizadə TellMann tok-şouya videomüsahibə verib.
Müsahibədə akademik A.Əlizadə öz həyat və fəaliyyəti, AMEA-nın Yüksək Texnologiyalar Parkının uğurları, yeni nəsil alimlərin hazırlanmasında və inkişafında fəal rolu, akademiya çərçivəsində aparılan gender siyasəti, Xəzərdə həyata keçirilən böyük elmi-tədqiqat layihələri və ölkə ərazisində yeni muzeylərin yaradılması barədə danışıb. Alim, eyni zamanda, dərsliklərə, ümumilikdə orta və ali təhsil müəssisələrində tədris proqramına münasibətini bildirib, həmçinin bu istiqamətdə AMEA-nın Təhsil Nazirliyi ilə birgə planlarından bəhs edib.
Videomüsahibəni www.TELLMANN.show linki vasitəsilə izləmək olar.
TellMann tok-şounun müəllifi və aparıcısı “Caspian European Club”ın sədrinin birinci müavini və baş icraçı direktoru Telman Əliyevdir. Tok-şou “Caspian European Club”ın “Narimanfilm” kinostudiyası və “Gate 25”in iştirakı ilə birgə layihəsidir.
TellMann tok-şounun yaradıcı kollektivi layihədə sponsor tərəfdaş və ya reklamverici qismində iştirak etmək istəyən şirkət və təşkilatları əməkdaşlığa dəvət edir.

Tehsil-press.az