Sumqayıt Regional Mədəniyyət İdarəsinin Abşeron rayon Xırdalan şəhər 11 illik musiqi məktəbinin və Qobu qəsəbə uşaq incəsənət məktəbinin kollektivləri Gürcüstan respublikasında səfərdə olublar.
Gürcüstandakı M.F.Axundov adına Azərbaycan Mədəniyyət Muzeyində dahi Azərbaycan şairi İmadəddin Nəsimin anadan olmasının 650 illiyinə həsr olunmuş tədbirdə iştirak edən məktəb şagirdləri xalq mahnı və muğamları ilə yanaşı Nəsimin qəzəllərindən parçalar ifa ediblər.
Səfər çərçivəsində məktəb kollektivləri Tbilisidə keçirilən “Apolon-2019” beynəlxalq festivalına qatılaraq maraqlı konsert proqramı ilə çıxış edib, diplom və hədiyyələrlə mükafatlandırılıblar.
Kollektiv həmçinin Tbilisidə ümummilli lider Heydər Əliyevin abidəsini ziyarət edib, xatirə şəkli çəkdiriblər.

Sumqayıt Regional Mədəniyyət İdarəsinin
Mətbuat xidməti