Sumqayıt Regional Mədəniyyət idarəsinin Abşeron rayon Xırdalan şəhər 11 illik musiqi məktəbinin şagirdləri Türkiyədəki “Kaspi ART” sanat ve sanatsal eğitim hizmetleri Tic.LTD.ŞTİ-nin təşkilaçılığı ilə online şəkildə müxtəlif nominasiyalar üzrə keçirilən “Caspi Art İnternet Musik&Danse Turkey” beynəlxalq müsabiqəsinə qatılıblar.
Müsabiqənin nəticələrinə görə Abşeron rayon Xırdalan şəhər 11 illik musiqi məktəbinin şagirdləri – Nuray Mehdiyeva, Nuranə Salmanova - III sinif - fortepiano-müşayiət – I dərəcəli diplom (müəllim İradə Məmmədova), Bagir Babayev - VIII sinif – tar solo II dərəcəli diplom (müəllim Mübariz Paşayev), Aysu Yəhyayeva - I sinif - violin solo- (müəllim Esmira Mədətova) diploma layiq görülərək müsabiqənin laureatı adını qazanıblar.

Sumqayıt Regional Mədəniyyət idarəsinin
Mətbuat xidməti