Azərbaycan Dillər Universitetinin Psixologiya kafedrasının təşkilatçılığı ilə universitetin 1984-1989 cu illərdə təhsil alan məzun tələbələri ilə görüş keçirilib.

Görüşdə Universitetin Beynəlxalq əlaqələr üzrə prorektoru, dos. Jalə Qəribova, universitetin Ağsaqqallar şurasının sədri Ələddin Əliyev, ADU-nun Müəllim Həmkarlar təşkilatının sərdi Misgər Məmmədov, Psixologiya kafedrasının müdiri Ceyhun Alıyev, Beynəlxalq münasibətlər və Regionşünaslıq fakültəsinin dekan müavini Namiq Kərimov, eləcə də, həmin fakültənin tələbələri iştirak ediblər.

Tədbiri giriş nitqi ilə açan Beynəlxalq əlaqələr üzrə prorektoru, dos. Jalə Qəribova universitetin rektoru akademik K.Abdullanın da təbriklərini tədbir iştirakçılarına çatdırıb.
Universitetin professor müəllim heyəti- Arif Hüseynov, Gəray Yusifov çıxış edərək tələbələrə pedaqoji fəaliyyətlərində yeni uğurlar arzu ediblər. Məzun tələbələr adından üç nəfər əməkdar müəllim - Sevda Abdullayeva, Nahidə Hüseynova, Gültəkin Şıxəliyeva və Azərbaycan Dövlət İqtisad Üniversitetinin dosenti filologiya üzrə fəlsəfə doktoru Yeganə Hüseynova tələbəlik illəri ilə bağlı xoş xatirələrini və onların müəllim kimi formalaşmasında universitetin rolundan danışıblar. Tədbirin keçirilməsinə görə universitetin rektoru akademik Kamal Abdullaya dərin təşəkkürünü bildirən məzun-tələbə Lisman Kazımov tələbələr adından doğma universitetə hədiyyələri təqdim edib.

Görüş universitetin Tələbələrlə iş və tədbirlərin təşkili şöbəsinin əməkdaşları tərəfindən hazırlanan konsert proqramı ilə başa çatıb.

Tehsil-press.az