Bu sözləri Ümummilli Liderin xatirəsinə ehtiramını bildirmək üçün dekabrın 12-də Fəxri xiyabana gələn ekologiya və təbii sərvətlər nazirinin müavini Firdovsi Əliyev deyib.
Bütün Azərbaycan xalqının və ölkəmizi sevən hər kəsin Ulu Öndərin ruhu qarşısında baş əydiyini bildirən F.Əliyev fikirlərini bu sözlərlə davam etdirib: “Yaxşı bilirik ki, ötən əsrin 90-cı illərinin əvvəllərində ölkəmiz yox olmaq təhlükəsi ilə üzləşmişdi. Ulu Öndərin gəlişi ilə Azərbaycan bu təhlükədən qurtuldu. Nə yaxşı ki, Ümummilli Liderin yolunu davam etdirən Prezident İlham Əliyev var. O, böyük liderin əsasını qoyduğu kursu uğurla davam etdirir, Azərbaycanı xoş gələcəyə aparır”.
Nazir müavini vurğulayıb ki, Azərbaycan var olduqca Ulu Öndərin adı əbədi yaşayacaq. O deyib: “Biz ümummilli lider Heydər Əliyevin qurduğu dövləti daha da inkişaf etdirməli, gələcək nəsillərə daha güclü Azərbaycan bəxş etməliyik”.

Tehsil-press.az