Azərbaycan Dövlət Neft və Sənaye Universitetinin (ADNSU) Azİİ e- Elektron Kitab Evinin oxucularına sentyabr-noyabr ayları üçün “Akademik jurnallar” (Academindex) verilənlər bazasında olan jurnallardan ödənişsiz istifadə imkanı təqdim edilib.
“Academindex” dünyanın müxtəlif ölkələrində elm, səhiyyə və sosial elmlər sahələrində nəşr olunan keyfiyyətli elmi jurnalları indeksləşdirən beynəlxalq indeksdir. Bu, təxminən 8 min jurnalda və 7 milyondan çox məqalədə mövzular, açar sözlər, müəlliflər, sitatlar və biblioqrafiya üçün axtarış edilə bilən müasir məlumat bazasıdır.
“Academindex” elmi jurnalları müntəzəm olaraq nəzərdən keçirir və qiymətləndirir; tədqiqatçılara elmi dünyaya töhfə verən jurnallarda dərc olunan məqalələrə çıxış imkanı yaradır. “Academindex” 2023-cü ilə qədər 8 minə yaxın keyfiyyətli elmi jurnalı indeksləşdirib.

Tehsil-press.az