Gürcüstanın hakim “Gürcü Arzusu” partiyasının rəhbəri İrakli Qaribaşvili hərəkatdan getdiyini açıqlayıb.

O, bu barədə brifinqdə bildirib.

Onun sözlərinə görə, bu, onun siyasətdən getmək istəyi ilə bağlıdır. Qaribaşvili deyib: “Mən “Gürcü Arzusu”nun sədri postunu tərk edib siyasəti tərk etmək qərarına gəldim, lakin ölkəmə başqa mövqedən xidmət etməyə davam edirəm”.

Eyni zamanda o qeyd edib ki, indiki hakimiyyətə müxalifətə keçmək niyyətində deyil. O, işlərinə görə həmkarlarına və “Arzu”nun yaradıcısı Bidzina İvanişviliyə təşəkkür edib.

Tehsil-press.az