“Azərikimya” İB-də Dövlət Bayrağı və Konstitusiya günlərinə həsr olunmuş “Xəmsə” bilik yarışı keçirilib

“Azərikimya” İB-də Dövlət Bayrağı və Konstitusiya günlərinə həsr olunmuş “Xəmsə” bilik yarışı keçirilib SOCAR-ın “Azərikimya” İstehsalat Birliyinin təşkilatçılığı ilə noyabrın 8-də bir sıra müəssisə, idarə və təşkilatların komandaları arasında Dövlət Bayrağı və Konstitusiya günlərinə həsr olunmuş “Xəmsə” bilik yarışması keçirilib.
“Azərikimya” İB-nin də təmsil olunduğu yarışlara Bakı Ali Neft Məktəbinin, Bakı Mühəndislər Universitetinin, Sumqayıt Dövlət Universitetinin, AMEA Polimer Materialları İnstitutunun, MDU-nun Bakı filialının, YAP Sumqayıt şəhər təşkilatının, Karbamid zavodunun, “SOCAR-Polymer” MMC-nin, FHN-nin Sumqayıt Regional mərkəzinin, Qızıl Aypara Cəmiyyəti Sumqayıt şəhər təşkilatınin, “N” saylı hərbi hissənin, Sumqayıt Regional Mədəniyyət və Turizm İdarəsinin, şəhər təhsil şöbəsinin və digər müəssisələrin komandaları da daxil olmaqla 22 komanda qatılıb.
Bilik yarışması bütün komandaların xüsusi fəallığı, münsiflər heyətinin, o cümlədən “Xəmsə” yarışları üzrə mütəxəssislərin ciddi nəzarəti altında keçirilib. Ənənəvi olaraq üç seçim və bir final mərhələsindən ibarət olmaqla dörd saata qədər davam edən yarışmada yüksək bilik səviyyəsi, geniş dünyagörüşü və hazırcavablıqları ilə seçilən Bakı Mühəndislər Universitetinin komandası birinci, “Azərikimya” İB-nin və Bakı Ali Neft Məktəbinin komandaları isə müvafiq olaraq ikinci və üçüncü yerləri tutublar. Həmçinin Bakı Ali Neft Məktəbinin ikinci komandası dördüncü yerə, SOCAR-ın Təlim Tədris və Sertifikatlaşdırma İdarəsinin Sumqayıt Təlim-tədris Mərkəzinin komandası isə həvəsləndirici mükafata layiq görülüblər.
“Azərikimya” İB-nin Müşahidə Şurasının sədri, Milli Məclisin deputatı Muxtar Babayev bilik yarışmasında mükafata layiq yerlər tutmuş komandaların üzvlərini təbrik edib, onlara daha böyük qələbə sevincləri arzulayıb.
Qalib komandalara “Azərikimya” İstehsalat Birliyi Həmkarlar İttifaqı Komitəsi tərəfindən fəxri diplomlar və mükafatlar təqdim olunub. Qeyd edək ki, Bakı Mühəndislik Universitetinin İqtisadiyyat və İdarəetmə fakultəsinin təıəbələri Emil Yusublu, Rahib İsmayılov,və Mühəndislik fakultəsinin tələbələri Nəriman Vəliyev , Bəhruz Aydınlı iştirak ediblər.

BMU-nun Mətbuat Xidməti


“Azərikimya” İB-də Dövlət Bayrağı və Konstitusiya günlərinə həsr olunmuş “Xəmsə” bilik yarışı keçirilib“Azərikimya” İB-də Dövlət Bayrağı və Konstitusiya günlərinə həsr olunmuş “Xəmsə” bilik yarışı keçirilib

Oxşar xəbərlər