ABŞ-dakı Van Andel İnstitutunun tədqiqatçıları aşkar ediblər ki, xərçəng hüceyrələrinin yağa çıxış imkanından məhrum edilməsi onları ferroptoza, oksidləşdirici özünü məhvetmə prosesinə daha həssas edir.

Işin nəticələri "Cell Chemical Biology" jurnalında dərc olunub.

Alimlərin fikrincə, xərçəng hüceyrələri bədəndən yağları “almağa” və böyüməsi üçün enerji mənbəyi kimi istifadə etməyə qadirdir. Tədqiqatçılar bu prosesi dayandırmağın mümkün olub-olmadığını öyrənməyə çalışıblar.

Alimlər diqqəti xərçəng hüceyrələrindəki yağ molekulları zədələndikdə baş verən hüceyrələrin özünü məhv etmə forması olan ferroptoza yönəldiblər. Son illərdə ferroptoz xərçənglə mübarizədə perspektivli yeni strategiya kimi onkoloqlar arasında maraq obyektinə çevrilib.

Xərçəng hüceyrələri adətən onları məhv etməyə yönəlmiş təbii immun mexanizmlərdən yayınırlar. Bununla belə, ferroptoz istisna ola bilər, çünki şiş hüceyrələri mövcud enerji mənbəyindən asılıdır. İlkin laboratoriya təcrübələri göstərib ki, yağa çıxışın məhdudlaşdırılması xərçəng hüceyrələrini ferroptoza və onu törədən dərmanlara qarşı həssas edir.

Həvəsləndirici nəticələrə baxmayaraq, elm adamları digər xərçəng modellərində daha çox araşdırmaya ehtiyac olduğunu vurğulayırlar. Onlar həmçinin pəhrizin yağ hüceyrələrinin fəaliyyətinə və ferroptoza təsirini öyrənməyə davam edirlər.

Tehsil-press.az