Noyabrın 10-da Azərbaycan Dövlət Pedaqoji Universitetində (ADPU) bu ali məktəbin və Səbail Rayon İcra Hakimiyyətinin birgə təşkilatçılığı ilə 16 noyabr - Beynəlxalq Tolerantlıq Gününə həsr olunan tədbir keçirilib.
Tədbirdə ADPU-nun rektoru, professor Cəfər Cəfərov Beynəlxalq Tolerantlıq Gününün tarixi və mahiyyətindən söz açıb, müxtəlif ölkələrin cəmiyyətləri arasında mövcud tolerant münasibətlərin, habelə multikultural dəyərlərin inkişafının əhəmiyyətini vurğulayıb.
Tədbirdə müxtəlif təhsil müəssisələrinin, ictimai birliklərin, dini icmaların, qeyri-hökumət təşkilatlarının nümayəndələri və rayon ziyalıları iştirak ediblər.

ADPU-nun Mətbuat Xidməti