İlk olaraq onu qeyd edək ki, Azərbaycan Dövlət Pedaqoji Universitetində (ADPU) 2016-cı il üçün 20-yə qədər ixtisas üzrə fəlsəfə doktoru hazırlığı üzrə doktoranturaya 22 yer, dissertanturaya 19 yer, elmlər doktoru hazırlığı üzrə isə dissertanturaya 10 yer ayrılmışdır. Qeyd edək ki, ADPU-nun rektoru, professor Cəfər Cəfərovun müvafiq əmri ilə universitetdə imtahan və müsahibə prosesinin həyata keçirilməsi üçün nüfuzlu professorların təmsil olunduğu 14 nəfərdən ibarət Sənəd Qəbulu Komissiyası (SQK) yaradılıb. SQK-ya 82 nəfər sənəd təqdim etmişdir. SQK-nın qərarına əsasən 70 nəfər imtahanlara və müsahibəyə buraxılmışdır. Məlumat üçün bildirək ki, dekabr ayının 22-dən başlanan imtahan və müsahibə prosesinin yanvar ayının 12-də başa çatması nəzərdə tutulur. Dekabr 22-də ADPU-nun rektoru, professor Cəfər Cəfərov, Elmi işlər üzrə prorektor, professor Asəf Zamanov auditoriyalarda olaraq imtahan və müsahibənin gedişini müşahidə ediblər. İddiaçılar sənəd qəbulunun, eləcə də imtahan və müsahibənin şəffaf və obyektiv təşkil edilməsinə görə ADPU-nun rəhbərliyinə təşəkkür ediblər.

ADPU-nun İctimaiyyətlə əlaqələr şöbəsi