Bakı Dövlət Universitetində “Mənim elmdə ilk addımlarım” adlı II respublika elmi konfransı öz işinə başlayıb. Fizika fakültəsi Tələbə Elmi Cəmiyyətinin təşkilatçılığı ilə keçirilən konfransın plenar iclasını BDU-nun Elm və innovasiyalar üzrə prorektoru, AMEA-nın müxbir üzvü, professor Aydın Kazımzadə açaraq belə konfransların tələbələrin elmi dünyagörüşünün formalaşmasında xüsusi əhəmiyyət kəsb etdiyini qeyd edib. BDU tələbələri ilə yanaşı, respublikanın digər qabaqcıl ali təhsil müəssisələri tələbələrinin də iştirak etdiyi konfransın işini bölmə iclaslarında davam etdirəcəyini diqqətə çatdıran prorektor Aydın Kazımzadə onun işinə uğurlar arzulayıb.

Mətbuat və informasiya şöbəsi