Sumqayıt Regional Mədəniyyət və Turizm idarəsinin təşəbbüsü ilə Sumqayıt Şəhər Poeziya Evində Rusiyanın Arxangelsk vilayətinin şairlərinin şerlərindən ibarət “Fəzanın cazibəsi – Протяжение Пространство” adlı antalogiyanın təqdimatı keçirildi. Arxangelsck şairlərinin şerlərinin ana dilimizə yeni nəsil Azərbaycan şairlərii tərcümə ediblər.“Fəzanımn cazibəsi” kitabının təqdimatına Azərbaycan Milli Məclisinin deputatı, Azərbaycanda Rus icmasının sədri Mixail Zabelin və Millət vəkili Qənirə Paşayeva, “Rossotrudniçestvo” nümayəndəliyinin sədr müavini Aleksandr Kalamin, Arxangelskdə Azərbaycan Diaspor təşkilatının sədri Tərlan Qasımov, Azərbaycanda Rus İcmasının Sumqayıt şəhər təşkiatının rəhbəri Lyubov İsmayılova dəvətli idilər.
Tədbiri giriş sözü ilə açanSumqayıt Şəhər Poeziya evinin direktoru İbrahim İlyaslı Azərbaycanda şeirə, sözə verilən dəyərdən, şairlərin bir millətə deyil, bəşəriyyətə məxsus olduqlarından danışdı. Dünya Gənc Türk Yazarlar Bilriyinin Məsləhət Şurasının Başkanı, layihə rəhbəri şair Əkbər Qoşalı “Fəzanın cazibəsi” almanaxının ərsəyə gəlməsində əməyi olan hər kəsə təşəkkürünü bildirdi. Antalogiyada tərcümə olunan şeirlərin çox istedadlı gənc Azərbaycan şairləri tətəfindən tərcümə olunduğunu vurğuladı.
Sumqayıt Şəhər İcra Hakimiyyəti başçısının müavini Teymur Səmədov hörmətli qonaqları və tədbir iştirakçılarını Sumqayıt şəhər İcra Hakimiyyətinin başçısı Zakir Fərəcovun adından salamladı və Sumqayıtın hər zaman beynəlmiləl bir şəhər olduğunu, günü gündən daha da gözəlləşən Sumqayıtda dost gəlişinin bayram kimi qeyd edildiyini söylədi. Sumqayıtda keçirilən bu Antalogiya təqdimatını da Poeziya evində baş tutan bir bayram kimi dəyərləndirdi.
Azərbaycan Milli Məclisinin deputatı Mixail Zabelin Rusiya və Azərbaycan dölətləri arasında dostluğun və qarşılıqlı əməkdaşlığın çox yüksək səviyyədə inkişaf etdiyini, rus və azərbaycan xalqının ədəbi əlaqələrindən hər iki xalqın bəhrələndiyini söylədi . Yenidən yeni nəsil şairlərinin bir araya gələrək poeziya vasitəsi ilə bu ənənəni davam etdirməsini də yüksək dəyərləndirdi. Millət vəkili Qənirə Paşayeva ədəbi əlaqələri, kitabları iki xalq arasında ən möhkəm körpü adlandırdı. Poeziya günlərinin, bayramlarının təntənəli şəkildə keçirilməsindən adi insanların da zövq almasını könül dostluğu adlandırdı. Arxangelskdə Azərbaycan Diaspor təşkilatının sədri Tərlan Qasımovun Arxangelsk və Azərbaycan arasında yaranan dostluğun möhkəmlənməsindəki və inkişaf etməsindəki rolundan danışdı.
Əməkdar jurnalist Azər Həsrət öz çıxışında DGTYB və Rusiya Yazıçılar İttifaqı Arxangelsk Reginal bölməsinin birgə layihəsi olan antalogiyanı çox yüksək dəyərləndirdi və bu cür layihələrinin davamlı olaraq həyata keçirilməsindən ədəbiyyatımızın ancaq qazanacağını dedi.
Sumqayıtdakı Rus icmasının rəhbəri Lyubov İsmayılova beynəlmiləl şəhər olan Sumqayıtda rus millətindən olan insanların multikultural bir şəraitdə yaşadıqlarını söylədi, rusların milli ənənələrini qoruyub saxladıqlarını, şəhərin ictimai və siyasi həyatında, eləcə də ədəbi bayramlarında yaxından iştirak etdiklərini, belə bir tolerant cəmiyyətdə yaşadıqlarından çox məmnun olduqlarını dilə gətirdi.
Tədbirdə Sumqayıt şəhər Ağsaqqallar Şurasının sədri, prezidentin fərdi təqaüdçüsü Müzəffər Gülümov çıxış edərək təqdimatın təqdirəlayiq bir tədbir olduğunu söylədi.
Azərbaycan Milli Məclisnin deputatı Mixail zabelin kitabın ərsəyə gəlməsində xidməti və əməyi olanları Azərbaycan Rus İcmasının Respublika Şurası adından Fəxri Fərmanlarla təltif etdi. Tərlan Qasımov isə Rusiya Yazıçılar İttifaqı Arxanqelsk Regional Şöbəsinin TƏŞƏKKÜR MƏKTUBU ilə bir qrup yazarı təltif etdi.
Tədbirin sonunda Sumqayıt Regional Mədəniyyət və Turizm İdarəsinin rəisi Mehman Şükürov qonaqlara və tədbirin təşkilatçılarına öz təşəkkürünü bildirdi.
Sonra tədbir iştirakçıları rus və azərbaycan dillərində şerlərini səsləndirdilər və tədbir Sumqayıtın 11 saylı məktəbinin şagirdlərinin Arxanqelsk haqqında oxuduqları mahnı ilə yekiunlaşdı.
[right]Mətbuat Xidməti
[/right]
