Müsabiqədə Sumqayıt Regional Mədəniyyət və Turizm İdarəsinin Sumqayıt şəhər Bülbül adına Uşaq İncəsənət məktəbini təmsil edən fortepiano ixtisası üzrə I sinif şagirdi Məmmədov Fərid Elman oğlu (müəllimi: Abdullayeva Tamella) I dərəcəli diploma layiq görülüb.
Fərid Məmmədov G.F.Hendelin “Çakona” d moll, A.Stoyanov ” Variasiyalar” h moll və C.Hacıyev “Marş” əsərlərini ifa edib.
Məktəbin digər şagirdləri də müsabiqədə uğurla çıxış edib.
Belə ki, fortepiano ixtisası üzrə V sinif şagirdi Süleymanova Həmidə Əkrəm qızı I dərəcəli diploma layiq görülüb. O, İ.S.Baxın “Üçsəsli fuqa” C dur və S.Şaminad Konsert etüdü “Payız” əsərlərini ifa edib.
Fortepiano ansamblı üzrə isə IV sinif şagirdləri Maqsudova Buta Emin qızı və Quliyeva Xanna Xanoğlan qızı I dərəcəli diploma layiq görülüblər. N.Smirnova “Braziliya karnavalı” və Q.Qarayev “Vals” əsərlərini ifa etiblər. Fortepiano ansamblı üzrə VII sinif şagirdləri Əliyeva Lamiyyə Ceyhun qızı və Hüseynli Nərmin Zaur qızı I dərəcəli diploma layiq görülüblər. Onlar A.Pyatsolla “Libertanqo” və V.Adıgözəlov Bakı” əsərlərini ifa ediblər.

Sumqayıt Regional Mədəniyyət və Turizm idarəsinin
Mətbuat xidməti