Sumqayıt Regional Mədəniyyət İdarəsinin dəstəyi, Sumqayıt şəhər Mədəniyyət Evində “Narbala” kukla teatrı (bədii rəhbər Mətanət Əmrullayeva) “Qırmızı papağın nağılı” tamaşasını nümayiş etdirib.
Uşaqların asudə vaxtının səmərəli təşkili və onların dünyagörüşünün zənginləşməsi məqsədilə keçirilən tamaşada nağıl qəhrəmanları: qırmızı papaq, nənə, dovşan, tülkü obrazlarını Mətanət Əmrullayeva, ayı, canavar obrazlarını Habil Xanlarov canlandırıb.
Tamaşa zamanı nağıl qəhrəmanlarının uşaqlarla ünsiyyət yaratması valideynlər tərəfindən də maraqla qarşılanıb.
Sonda Şəhər Mədəniyyət evinin direktoru Elnarə Rəşidova çıxış edərək bildirib ki, belə tamaşalar bundan sonra da davamlı olaraq keçiriləcək.

Sumqayıt Regional Mədəniyyət İdarəsinin
Mətbuat xidməti